SPRINGDALE, Ark. — Konke alloñ in Mae ej alloñ eo im jej kakemejmej ak celebrate Asian American im Pacific Islander ro, SWEPCO ej nebar alloñ in ilo an sponsor e ak bok eddo in burokaraam eo an Marshallese Youth Initiative (MYI), juon burokaraam eo ekaal im kottobar eo an ej ñan koketak jodikdik ro ilo jukjuk in pad eo an Rimajol ilo Northwest Arkansas. Ej burokraam eo im AEP Foundation eo ej bok eddo in im an partner ak jerbal ippan Chamber of Commerce eo ilo Springdale im bareinwot ippan mon jikuul ko an Springdale.

Kottobar an burokaraam in ear jinoe im komman jen $100,000 grant eo jen AEP Foundation einwot mottan jabon konaan in “ Delivering on the Dream” jen burokaraam eo an social justice. Jaan in jipañ in enaaj jipañ kolaplok an Rijikuul rein nejid eddoklok einwot juon Ri-tel im kolaplok aer loke er make, kebooj er ñan ilju im jeklaj eo aer make im bareinwot ñan jukjuk in pad eo aer.

Springdale, Arkansas ej ijo im elap an loñ Ri-Majol ie im rej watake einwot ane eo aneier ijelokin Majol. SWEPCO Government ak ra eo an SWEPCO im Manager eo an Environmental Bradley Hardin ear lomnak bwe burokaraam in ej juon burokaraam eo im ejjejet ñan kottobar ko an AEP ñan jipañ im bar korool ñan jukujuk in pad eo rej jerbal ie.

“Jibarok eo ameañ in ej ñan kommane juon wawein eo enaaj lap an jelet jukjuk in pad in ad ilo ad koketak jodikdik ro bwe ren jet Ri-tel ilo epepen in ak epepen kane maan. Komej loe bwe Ri-Majol ro ilo jukjuk in pad ilo Northwest Arkansas aikuiji burokraam rot kein ñan kolaplok jela ko einwot juon Ri-tel, Ri-tel ilo Manit im kalaplok jela ko aer,” Hardin ear ba. “Burokraam in Marshallese Youth Initiative ej lelok ñan jordikdik rein tool ko ak jet wawein ko bwe ren eddoklok ejjab ilo ekatak ko wot ak bareinwot ilo aer katak im jela kon Manit eo aer. Ilo ad koketak er, kakobaiki er ilo aolep men ko jej kommane ñan juon ilju im jeklaj e kajoor ñan koj woj.

Republic of the Marshall Islands ak RMI ej pad ikotaan rak im eañ ilo Pacific. Ane jidik kein ak atoll kein raar aeloñ ko raar ejolok bomb ñan kamelmel e im teej e Nuclear kein im ear ijino ilo iio kane 1940 ko im ekomman bwe armej in Majol ren emakut jen aeloñ ko aer im ekakkure manit eo aer. Ilo Boston Mountains ilo Arkansas Ozark eloñ Rimajol ro emoj aer emakut ñan e im raar karuwaineneiki er im jukjuk in pad in aer emoj an eddoklok im komman wonmaanlok ko ie ilo aer jela mour ilo Northwest Arkansas.

“Elap ad kammoolol kon jemjera in ippan Springdale Chamber of Commerce im AEP Foundation,” Trent Jones ear ba, Director eo an Communication eo an Springdale Public Schools, eo elap an melele im komelele ta aorokin koketak ilo ad jutak ippan jodikdik ro nejid ilo jukjuk in pad in. “Juon wot ad kottobar ilo ad jutak im bok ad iien ippan ajiri ro nejid bwe en juon jukjuk in pad eo emman ilju im jeklaj. Burokaraam in enaaj juon burokarram eo im ejjab pad ilo jikin jikuul ak enaaj burokaraam eo epad likin jikuul ko im padpad wot ilo ad komman bwe jodikdik ro ren jet ro rejela lomnak, jet ro im elap aer kea, im jet ro im rej elloke paer ñan jipañ ro jet.

Burokaraam in ak MYI ej ebok wot Rijikuul ro jen kilaaj 6 im 7 jen mon jikuul ko an Springdale, ilo aer lelok ekatak ko ak training ko ñan juon Ri-tel im katakin er jibadek kottobar ko aer.

“Ajiri rein renaaj ekatak jet men ko me jiner im jemer rejjañin kar ekatak ak raar jab katak kaki. Er eo renaaj rube jokjok in im komane jet men ko remmanlok,” rijerbal in mon jikuul eo Edison Enos ear ba.

Bill Rogers, President im CEO eo an Springdale Chamber of Commerce ej kwalok an monono kon ta ko burokaraam in enaaj kommane. “Burokaraam e ameañ enaaj katakin rijikuul ro rej kilaaj 6 bwe ren jet ro im renaaj ri-tel im bareinwot eddoklok kapeel ko aer ilo aer ekatak,” Rogers ear ba.

Burokaraam in ear ijino kon juon iien ippan rijikuul ro, baamle ko aer im ippan ro rej bok eddo in burokaraam in ñan jino ial in an rijikuul rein renaaj komman oktak ak katak men ko rejjañin kar jela ilo ad kejota ippan doon.

“Ilo torein rej abje im rejaje ta ko renaaj bojak in bok jikier. Botab ilo aolep kajojo ekatak, renaaj katak kon jukjuk in pad eo rej jokwe ie im kon er make, laplok aer tomak er make ilo aer jibadek kottobar eo ak ko aer,” Ginger Lamar ear ba, eo im ej jipañ kommane burokaraam in ippan Springdale Chamber of commerce.

Ilo an burokaraam in ak MYI wonmaanlok alikin an kar ijino 12 alloñ emootlok, rijikuul ro 30 renaaj jerbal ippan ro rej jipañ er ilo burokaraam in ñan aer jela im ekatak kon Jelalokjen (Education) im Ajmour (Health).

Jen jinoin burokaraam in, rijikuul rein emoj aer ekatak im katak ko im renaaj lomnak im pad wot ippaer ñan indreo einwot aer kar ekatak kon financial ak jela wawein kejbarok jaan ak budget ippan Arvest bank, ekatak kon ajmour jela kojparok ajmour ippan rijerbal ro jen Arkansas Children’s Hospital

 “Burokaraam in enaaj katakin rijikuul ro rej kilaaj 6 bwe ren jet ro im renaaj ri-tel im bareinwot eddoklok kapeel ko aer ilo aer ekatak,” Bill Rogers ear ba, President im CEO eo an Springdale Chamber of Commerce.